Tres les fuelgues de fin de cursu, el profesoráu n’Asturies entama’l nuevu añu escolar con un ambiente de cansanciu y de desconfianza escontra l’Alministración. Les piores espeutatives cumpliéronse y dellos colexos denunciaron ya que tan en piores condiciones qu’anantes de la fuelga
El cursu pasáu finó col agua educativa revuelta: protestes unánimes, baltaes in estremis polos propios sindicatos que pautaron una negociación con meyores insuficientes ya ensin calendariu.
L’entamu del cursu nun trae -comu yera d’esperar- les meyores prometies. El profesoráu enfréntase un añu más al retu d’enseñar con plantíes curties, ratios alte, burocracia xorreciente y medios que nun algamen, nun clima d’incertidume sobre si’l Gobiernu asturianu va cumplir o non dalgunes de les demandes de la enseñanza pública.
Nel C.P. Turiellos denuncien, por casu, que tienen un día menos de PSC y otru día menos d’orientación y que yos falta un profesional pa cubrir les necesidaes de los escolinos, asina qu’entamaron el cursu con cartelos informando a les families d’ello. Nun son los únicos, en dellos colexos los profesores visten ya la camiseta prieta de la educación y alvierten: “que nun vos engañe’l nuesu silenciu, si esto nun s’arregla, nun baxa naide al pozu”
Nel Dos Santos
This work is licensed under a Creative Commons Attribution 4.0 International License.
