L’Academia de la Llingua Asturiana anuncia’l primer cursu d’asturianu p’adultos Noyos, dirixíu a persones que quieran algamar un nivel elemental (A1-A2) del idioma. La iniciativa busca reforzar la alfabetización y dar un marcu de referencia homologáu pal conocimientu de la llingua.
El cursu, con un enfoque comunicativu y una duración total de 100 hores llectives, combinará 60 hores presenciales con 40 d’autoestudiu al traviés d’una plataforma dixital con materiales complementarios y conteníu audiovidual.
Les clases van cellebrase los martes y xueves, de 17 a 20 hores, dende’l 7 d’ochobre hasta’l 11 d’avientu, nel llar social de l’Academia (C/Águila, 10 – Uviéu). El preciu de matrícula, de 150 euros, inclúi los materiales y l’inscripción na Prueba de Conocencia. La matrícula abre’l 15 de setiembre.
El nivel A1 del Marcu Européu Común de Referencia pa les Llingües permite al alumnáu entender y usar espresiones cotidianes, presentase y comunicase de manera mui básica. Nel nivel A2, l’estudiante ye capaz de participar en conversaciones cencielles sobre aspeutos avezaos de la vida diaria, como la familia, el trabayu o los intereses personales.
Al completar el cursu, los escolinos cuntarán con ferramientes pa comunicase n’asturianu nes situaciones del díi ente díi y con una base sólida pa siguir avanzando na so formación.
Tola información del cursu ya inscripciones ta disponible na web oficial: https://alladixital.org/programa-noyos/
Susana Sela
This work is licensed under a Creative Commons Attribution 4.0 International License.
