Afálase a la población a llamar por teléfono o unviar mensaxes a Unipublic, empresa responsable de La Vuelta, amosando la refuga pola participación del equipu israelín

La Vuelta ciclista a España va cuntar esti añu cola participación del equipu Israel–Premier Tech, una invitación que partió de la empresa organizadora Unipublic. La decisión xeneró un fuerte alderique públicu, especialmente ente colectivos solidarios col pueblu palestín, que convoquen una campaña de boicó a la vuelta y presión directa contra Unipublic.

La situación en Gaza ye “d’esbarrumbe humanitariu”, con más de dos millones de persones sometíes a un bloquéu severu y una parte importante de la población morriendo de fame. Datos recientes d’axencies internacionales apunten a que más de 250.000 persones viven en condiciones de fame estrema y que decenes de miles de neños y neñes carecen d’alimentación básica pa sobrevivir..

Estos colectivos denuncien que la presencia d’un equipu que lleva’l nome d’Israel “contribúi a blanquiar la imaxe internacional d’un pretendíu estáu que vulnera’l drechu internacional y asesina por millares a los civiles”. 

Por tou ello, entámase una campaña de boicó consistente en llamar al teléfonu de la empresa, 91 2301431 y a unviar emails a la so dirección, info@unipublic.es, refugando la participación israelina y bloqueando les sos comunicaciones. Tamién se llama a acudir con banderes palestines a la vuelta en toles sos etapes. 

Nel Dos Santos