Alón a Xuan Bello

  • 30 Xunetu, 2025

 Finó Xuan Bello, un de los grandes nomes de la lliteratura asturiana,  y fíxolo como’l día en Paniceiros

Les coses finen, sí, como’l día finaba en Paniceiros,  ensin escándalu.”

Pallabres que nún quixéremos escribir nunca; un poeta ye siempres difícil de despidir; les sos pallabres van per delantre, tolo que quixeres dicir ya lo escribió elli anantes.

“Quiero escaecer que la muerte pica
a poco y a poco, sele y sollerte,
na puerta d’una casa albentestate”

Autor d’obra inescaecible como El llibru de les simientes, Los nomes de la tierra o sobre tou, Historia universal de Paniceirosn, nel so cantar había siempres una especie de fondura, de milagru, y una desixencia costante de la memoria y la pallabra

Hai un país onde’l nome de les coses

ye la sola memoria que se caltién”

Nesi país, Asturies, Xuan topó un camín pa tolos que creímos que la pallabra podía ser llar.

Fálta mos va facer el so tonu quedu, la so manera de mirar el mundu con dolzura, el so compromisu cola cultura d’esti país que tanto quixo. Pero queda la so obra, que ye escudu y semiente, memoria y esperanza. El meyor homenaxe que pue facese-y ye nun escaecer la llingua na que nos faló, caltener el país que quixo, guariar la so pallabra.

Que la tierra —esa que tanto cantasti— te seya sele, Xuan. Y que les pallabres que dexasti sigan faciendo nuesa la vida. Qu’onde tes se faiga cierto lo qu’escribisti.

“Tenía la firme creyencia de qu’en morriendo diba alcontrar a tola xente de l’aldea, a tolos que fueran de Paniceiros.”

Descansa, poeta.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies