Siguiendo la llinia mafioso clientelar del PSOE asturianu, Francisco José Díaz Ortíz, al que l’informe’l Casu Marea (tamién conocíu comu Casu Riopedre) atribúi neglixencia y dexación de funciones na contratación y control de los servicios, vien de ser nomáu Secretariu Xeneral de la conseyería d’Educación.
El pasáu 14 de xunetu espublizóse nel BOPA el nomamientu, a propuesta de la Conseyera d’Educación Eva Ledo Cabaleiro y previu alcuerdu del Conseyu de Gobiernu en conceyu de 10 de xunetu de 2025, de Francisco José Díaz Ortiz como Secretariu Xeneral Técnicu de la Conseyería d’Educación.
El nome pue sonar conocíu a quien lleere los informes de la Comisión d’Investigación del Casu Riopedre onde, espublizao nel Boletín oficial del 30 xunetu de 2013, apaez Francisco José Díaz Ortiz pente los altos cargos a con responsabilidaes nel casu, siendo entos Secretariu Xeneral Técnicu de la Conseyería de Cultura, Comunicación Social y Turismu y de la Conseyería d’Administraciones Públiques y Voceru del Gobiernu, siendo reseñau pola so “neglixencia y dexación de funciones na contratación, control y coordinación de los servicios d’eses Conseyeríes” facilitando les actuaciones de la funcionaria s Marta Renedo Avilés.
El cargu qu’agora recibe n’agradecimientu polos servicios prestaos y mui especialmente polo callao, entra dientro’l tradicional sistema mafioso-clientelar que distingue’l furrulamientu del PSOE asturianu, qu’ensin el más mínimu disimulu premia asina a los sos cómplices.
This work is licensed under a Creative Commons Attribution 4.0 International License.
