Esta va ser la segunda amuesa en cincu díes, en solidaridá pa coles sindicalistes preses, na que va tornar reclamase la so llibertá
El martes 15 de xunetu a les doce’l mediudíi na carbayona Plaza d’España entamará la segunda concentración convocada dende que Les Seis de La Suiza entraron na cárcele, el pasáu diez de xunetu.
Depués de la multitudinaria concentración en Xixón, que derivó en manifestamientu espontaneu, el mesmu día del so ingresu en prisión, esta vegada la convocatoria ye n’Uviéu. La reclamación sigue siendo la mesma, que se faiga tolo posible porque se tramite l’indultu pa les condergaes cola mayor velocidá y puean tar de vuelta a les cais nel mínimu tiempu posible.
Demientres la concentración el Grupu de Sofitu de Les Seis de La Suiza darán una rueda de prensa na que comunicarán l’estáu de los trámites y repasarán les vindicaciones.
Nel Dos Santos
This work is licensed under a Creative Commons Attribution 4.0 International License.
