Ayer cumplióse la entrada na cárcele de les condergaes pol casu de les 6 de La Suiza, una muestra escandalosa de cómo’l sistema xudicial español sirve de trinchera contra los drechos llaborales; al mesmu tiempu la cai daba la primera rempuesta con una movilización que nun aparará hasta veles de nuevu llibres na cai
Esti casu nun ye solo un conflictu llaboral, sinón una radiografía d’un sistema xudicial corruptu y clasista, que tien nesti casu al frente al polémicu xuez Lino Mayo que, con una decisión que marca precedente, menacia la protesta llaboral y suxier que la parodia de xusticia que carecemos ye coto privaú pa los intereses empresariales.
Nel centru del procesu atopamos al xuez Lino Mayo, quien xulgó a estes sindicalistes pola so participación nuna concentración na puerta del establecimientu ante un casu d’acosu llaboral, una aición perfechamente llegal fasta agora: protestar de forma visible, pacífica y pública. La respuesta foi una denuncia de la empresa por coacciones y lo que siguió foi un procesu penal que sorprendió pola so dureza: pena de cárcel solicitada pa una protesta llaboral ensin violencia física, cola argumentación por parte del xuez Mayo de que les trabayadores “trespasaron la llinia de la llibertá de protesta pa convertise en presión illegal”, una llinia puesta mui cerca de los intereses empresariales.
This work is licensed under a Creative Commons Attribution 4.0 International License.
