La primer aición convocada en respuesta social pola orden de detención ye una concentración mañana, diez de xunetu, a les 19:30 hores na Plaza Conceyu de Xixón
Seique se sabía que podía ocurrir en cualisquier momentu, non por ello la rabia y la impotencia son menores.
Con un presidente qu’entardó ocho años en comprender la gravedá del casu ya intervenir, pero qu’intervino y, presionáu pola sociedá civil, pidió l’indultu, lo mesmo que tolos sindicatos del país y cientos de miles de persones que lleven años reclamando la llibertá pa quienes namás defendieron sindicalmente los drechos d’una trabayadora.
Pesi a l’ausencia d’antecedentes y delitos posteriores, el pagu de la responsabilidá civil ya’l tiempu trescurriu pente los fechos, pesi a les circustancies personales, familiares y sociales que sofiten la suspensión de la conderga y de tar a la espera de la tramitación del indultu solicitáu, comu decíemos, por 22 organizaciones sindicales ya’l Gobiernu d’Asturies.
Pesi a toa llóxica y sentíu de la xusticia, la orde de detención inmediata ya ingresu en prisión acaba ser dictada. El Grupu Sofitu a les 6 de La Suiza dirá informando enseguida de les aiciones a entamar en respuesta social a la represión.
Llucía F. Marqués
This work is licensed under a Creative Commons Attribution 4.0 International License.
