El pasáu mes de mayu l’Audiencia Provincial d’Asturies decretó l’absolución de los 2 güelguistes d’ALSA, con una sentencia que, al nun recurrise per parte la empresa dientro’l plazu pa facelo conviértese en sentencia firme
La sentencia, yá firme, de l’Audiencia Provincial ye contundente. Con respeutu al principal testigu de l’acusación apúntense delles irregularidaes, “Les sos declaraciones nun fueron persistentes, sinón que fueron cambiando a lo llargo la instrucción”, “Refirió que dicha afirmación (la descripción del vehículo) realizóla a suxerencia de la Policía Nacional”, “Manifestó nel actu’l xuiciu que pudo confundise en dalgún díxitu de la matrícula y nun reconoció espresamente al so propietariu”, “Declaró que nun pudo reconocer a nengún de los dos acusaos nel momentu l’incidente”
No que cinca al Axente de la Guardia Civil qu’intervino nel Informe la sentencia recueye que “Nun s’aprecien suficientemente contundentes les declaraciones de los axentes al reconocer que nun tenín estudiao la visibilidá de la zona”.
Con respeutu a la llocalización de los móviles de los acusaos, la sentencia esclaria que“Nun llograron ser ubicaos nel llugar de los fechos por atopase desconectaos”. Con respeutu al autobús: “A la mesma hora salíen de la estación d’Avilés dos autobuses, ún con destín a Xixón y otru con destín a Uviéu, ensin que sobre dichu estremu se realizare averiguación dalguna al oxetu de determinar sobre cuálu de los dos vehículos se realizó l’estudiu”.
Como conclusión de tou ello la sentencia dexa nidio que nun esiste prueba de cargu suficiente a fin de considerar a los dos acusados como autores responsables de los delitos, polo que confírma l’absolución de dambos acusaos.
Nel Dos Santos
This work is licensed under a Creative Commons Attribution 4.0 International License.
