Les 6 de la Suiza prenden la nueche en San Xuan

24 Xunu, 2025

Pente les munches fogueres qu’allumaron ayeri Xixón y Asturies entera, denguna con tantu significáu comu la llinia de fuéu cola que se reclamó l’indultu pa Les 6 de La Suiza

Anueche en Poniente xuniéronse dos tradiciones asturianes, les fogueres de San Xuan y la llucha polos drechos obreros y sindicales.

L’actu, entamáu pol Comité de Sofitu a les 6 de La Suiza, prendió llames dende la Punta Liquerique fasta lo alto Cimavilla pa vindicar que facer sindicalismu nun ye delitu. L’actu foi visible dende toles sableres, onde la xente esperaba pa cellebrar la Foguera de San Xuan.

200 antorches incendiaron l’skyline de la ciudá, 200 voces glayando al altu la lleva, “6 de La Suiza, Llibertá”, recordando a toos y a toes que’l de La Suiza ye un xabaz intentu de criminalización del sindicalismu, menutos anantes del prendíu de la foguera de San Xuan, en solidaridá coles 6 condergaes a piques d’entrar na cárcele pol “delitu” de protexer a una compañera supuestamente acosá llaboral y sesualmente pol patrón.

La prósima protesta, el 29 de xunu, na movilización pola llibertá de Les 6 de La Suiza, que, a les 12:30 h, nel Paséu Begoña (Xixón), convoquen tolos sindicatos asturianos.

Pa tar al díe de les movilizaciones y del casu de Les 6 de la Suiza, visitar les sos redes sociales y so páxina web.

Llucía F. Marqués