La hostelería cientra la mayoría de los contratos que se fexeron el mes pasáu, afitando la precariedá llaboral que’l turismu trae consigo
Avérase’l periodu estival y la contratación xira alrodiu’l turismu y la hostelería, trabayos precarios y de baxa dignidá. Esti mes de mayu hai 1.217 paraos menos que’l mes anterior, pero el 70% de los
contratos firmaos nel mes son temporales, pa cubrir la temporada; trabayadores “d’usar y tirar” que’n munchos casos enfrentarán horarios mui perriba de los contrataos con escasos descansos y salarios xustinos. Ye la triba d’emplegos qu’ufre centrar l’actividá económica d’un país nel turismu, inestables, estacionales, temporales y cuasique siempres mal pagaos.
Eso desplica que cuasique 27.000 persones que tienen emplegu sigan inscrites nel paru comu demandantes, esperando por otru trabayu, ún que tea condiciones dignes.
Poro, el mensaxe de los sindicatos ye claru: nun llega con reducir el paru, hai falta xenerar emplegu de calidá, estable y dignu pa los 52.000 persones en paru y les 27.000 trabayadores que busquen ún meyor.
Llucía F. Marqués
This work is licensed under a Creative Commons Attribution 4.0 International License.
