Va 14 años que los vecinos dieren la voz d’alarma de la situación de riesgu de la panera, ensin que naide yos ficiere casu.Les causes del incendiu qu’amburó dafechu la panera, fechada en 1651, allugada al par de la Casa Rectoral en Riegla de Cibea, Cangas, son entá desconocies y de xuro nun se fadrá investigación oficial dala pa esclariar les circustancies nes que s’anició’l fuéu.
La Casa Rectoral de Riegla de Cibea ta desabitada, la ilesia, propietaria d’ella y de la finada panera, tienla va más de quince años a la venta y la so conservación, comu ya llamaren l’atención va 14 años dende l’asociación Tous pa Tous, ye bien deficiente. Ya nel 2010 dende esta asociación reclamaben a l’alministración pública que tomaren midies pa frenar el so deterioru “porque de lo contrario ye posible qu’esta con¡strucción, protexía pola Llei de Padremoñu Cultural, esbarrumbe y desapaeza”. Naide yos fizo casu.
This work is licensed under a Creative Commons Attribution 4.0 International License.
