Foi la primer espresión electoral d’una esquierda asturiana roturista

Por cuenta de la convocatoria nel Reinu d’España d’unes elecciones pa Cortes Constituyentes, que se realizaron el 15 de xunu de 1977, foi articulada la candidatura d’Unidá Rexonalista, que representaba un proyectu de rotura democrática cola oligarquía franquista dende la esquierda y dende Asturies.

La nomada “Transición” implicó una serie de pactos ente, per un llau, l’antigua clase política de la dictadura, y per otru, dellos partíos opositores con pesu hestóricu, como’l PCE, el PSOE o el PNV. Sicasí sectores importantes de la esquierda revolucionaria cuestionaron el nuevu marcu políticu dende’l primer momentu, y dalgunos d’ellos plantegaron diverses candidatures d’unidá popular dende les lluches sociales propies de cada realidá nacional concreta.

Nesi marcu xurdió n’Asturies la plataforma d’Unidá Rexonalista, impulsada por independientes como’l abogáu uvieín Antonio Masip, y col sofitu de partíos políticos cuya llegalización foi bloquiada pol Gobiernu Suárez como’l Movimientu Comunista d`Asturies.

A la fin namás obtuvo unos 10.821 votos (1,88%).

This work is licensed under a Creative Commons Attribution 4.0 International License.