Prado y Pedregal Meyor Primer Sidre l’Añu

  • 21/03/2024

La DOP del llagar La Morena, en Siero, considerada la sidre nuevo de mayor calidá, seguida de Peñón (Albandi) y Cabueñes (Xixón)

 

A la final d’esti prestixosu concursu concurrieron siete lagares: Germán (Avilés), Fonciello (Siero), Peñon (Albandi, Carreño), Quelo (Tiñana, Siero), La Morena (Viella, Siero), Alonso (Ciaño, Langreo) y Cabueñes (Xixón).

D’entre ellos y tres d’una primera ronda mui apretada, con triple empate a primer puestu, el xuráu escoyó la sidre sierense poles sos destacables carauterístiques, una sidre sabroso ya ensin defeutos con un vasu excelente y arumes llimpios ya intensos.

En segundu y tercer llugar y por mui poca distancia, la sidre de Peñón y la de Cabueñes, ambes tamién reseñables pola so perbona calidá.

Ganar esti concursu non solo convierte a la sidre ganadora na Sidre Oficial de la XIV Primer Sidre l’Añu, que  se cellebra en Cimavilla del 28 al 31 de marzu, sinón que la reconoz comu la sidre más prometedora de l’actual collecha.

Les deliberaciones del xuráu, presidíu por Manuel Busto y compuestu polos tastiadores Joaquín Fernández y Luis García, el campeón d’echaores Wilkin Aquiles; los profesores de la Escuela de Hostelería y Turismu de Xixón, Juan Luis García, y Benedicta  Zurro ya’l propietariu de La Montera Picona, Emilio Rubio, foron publiques y cuntaron cola presencia de los llagareros finalistes, lo que dio especial emoción al eventu.

 

Alberto Rodríguez


Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies