El reconocimientu inclui la migración temporal que tradicionalmente faen los ganaderos asturianos, subiendo a mediaos de primavera cientos de vaques, oveyes y cabres a los pastos altos y baxándoles a valles y pueblos metanes la seronda; una práutica fundamental pa caltener la vida nes brañes y pueblos altos, evitando la despoblación y conservando los ecosistemes, al tiempu que caltien una forma vida y una cultura úniques.
La propuesta a la UNESCO pa que se reconociere la trasumancia comu Padremuñu Cultural Mundial foi fecha conxuntamente pol reinu d’España, el ducáu de Lluxemburgu, el principáu d’Andorra y les repúbliques de Francia, Albania, Croacia y Rumanía. L’organismu dictó que’l desplazamientu estacional de rebaños, que se prautica dende’l neolíticu, sigui siendo un “padremuñu vivu” que dio llugar a “un ricu padremuñu cultural y etnográficu, espeyáu en fiestes y tradiciones, na toponimia, la gastronomía y l’arquitectura relacionao con esta actividá”.
N’Asturies son exemplu d’ello les abondes fiestes que cellebren el pasu del ganao per pueblos de conceyos como Tinéu, Somiedu y Valdés, siendo tamién mui conocía la marcha haza los puertos de Cuadonga.
Alberto Rodríguez
This work is licensed under a Creative Commons Attribution 4.0 International License.
