• Portada
  • >
  • Economía
  • >
  • Acción d’Asturies Insumisa contra la carestía de la vida

Acción d’Asturies Insumisa contra la carestía de la vida

  • 06/12/2023

Miembros d’Asturies Insumisa desplegaron dos pancartes y repartieron más de mil panfletos denunciando la precariedá que se carez n’Asturies y desixendo soluciones

L’actu anició cola colocación de dos grandes pancartes a ambos llaos del semáforu que da entrada al Centru Comercial Los Fresnos, en Xixón. Nelles podía lleese “Dexar de comer pa pagar l’alquiler” y “Cola carestía una comida al día”. Darréu, entamó’l repartu de los panfletos informativos de la campaña “Pola Xusticia social” , que tuvieron perbona acoyía pente los compradores qu’entraben y salíen del centru comercial, interesándose poles propuestes y coincidiendo na denuncia. 

Esti ye’l primeru d’una riestra d’actos colos que quieren denunciar l’eleváu preciu de los productos que componen la cesta la compra y esixir que s’intervengan los precios d’estos productos, de manera qu’una alimentación afayadiza seya asequible pa toes y toos. La prósima movilización sedrá’l día 15 na Plaza Conceyu d’Avilés, a les siete la tardi.

 

Alberto Rodríguez

 

 

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies