• Portada
  • >
  • Asturies
  • >
  • Mañana, concentración contra les violencies machistes

Mañana, concentración contra les violencies machistes

  • 28/11/2023

El caberu miércoles del mes de payares tornará remembrase en Xixón, comu ca caberu miércoles de mes dende va más d’un añu, a les víctimes de la violencia machista, reforciándose’l compromisu contra esta llácara social

La cita ye mañana a les siete la tardi delantre l’edificiu de La Gota Llechi, en Xixón. Una pancarta contabilizará’l númberu d’asesinaes por ser muyeres en tol estáu, una cifra que nun apara de medrar y qu’a estos altores del añu ya supera el total del 2.022, evidenciando la inutilidá de les midíes tomaes fasta’l momentu pa finar con esti problema.

Darréu la intervención lleeránse los nomes de toes estes muyeres, cola esperanza de qu’aporte’l mes en que nun se tea d’allargar la llista con nuevos nomes.

Convoca la Plataforma Stop Violencies, qu’acomuña a les organizaciones  Andecha Ástur, Anticapitalistes, Amamantar, Asociación de Pensionistes de Xixón,   Feminismu en Llucha del CSI, la plataforma del serviciu d’ayuda a domiciliu -SAD-, Podemos y Verdes-Equo.

Susana Sela

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies