El númberu 129 de Lletres Asturianes (LLAA), correspondiente al mes d’ochobre del añu 2023, agospia artículos qu’estudien aspeutos llingüísticos, lexicográficos, lliterarios, fonéticos y musicales. Estes contribuciones, de gran valir, faen por enanchar el corpus de la publicación y de los estudios sobre la llingua y la lliteratura asturianes
Nesti númberu destaquen los trabayos d’investigación de los investigadores Francisco José Fernández Rubiera “Porque non tolos porque son iguales: la subordinación causal en asturiano: La subordinación causal en asturiano”, Carmen Muñiz Cachón “¿Son sordes dafechu les oclusives sordes intervocáliques n’asturianu?”, Covadonga Lamar Prieto “MECA: un proyeutu d’investigación a curtiu plazu nel estranxeru sobre la llingua asturiana y la emigración asturiana a América”, Héctor Braga Corral “Carauterístiques de la escritura de la canción tradicional asturiana”, Xuan Xosé Lajo “Nuevos escritos de Krüger: más datos sobre la fala senabresa a entamos del sieglu XX : more information about Senabrese Dialect at the beginning of the XX” y Adrián Martínez Expósito “Trés cartes inédites ente’l Padre Galo y Pepín de Pría afayaes na investigación del Proyectu Fernán Coronas”.
D’otramiente, alcontramos l’artículu de Nicolás Bardio “Xuegos de rol: una ferramienta de democratización de la lliteratura en llingües minorizaes” y les reseñes bibliográfiques de Xosé Antón González Riaño sobre’l llibru de David Guardado . Nunca vencida. Una historia de la idea d’Asturies. Xixón: La Fabriquina y de Marcos Martínez Fernández sobre la obra de Avelino Corral Esteban” The Asturian Language. Distinctiveness, Identity, and Officiality. Lausanne, Berlin, Bruxelles, Chennai, New York, Oxford: Perter Lang”
Lletres Asturianes asoleya, dende 1982, trabayos científicos orixinales centraos na llingua y la lliteratura asturianes, entendíes nun sen ampliu y na so rellación col ámbitu hispánicu y románicu, espublizándose semestralmente (marzu y ochobre) tando disponible en REUNIDO, la plataforma de revistes científiques de la Universidá d’Uviéu, y na páxina web de l’Academia de la Llingua Asturiana (ALLA).
Susana Sela
This work is licensed under a Creative Commons Attribution 4.0 International License.
