• Portada
  • >
  • Llingua
  • >
  • Inaciu Galán va dar una conferencia sobre l’asturianu na Universidá d’Oporto

Inaciu Galán va dar una conferencia sobre l’asturianu na Universidá d’Oporto

  • 16/06/2023
Vítor Suárez participa nel mesmu eventu como representante de la Wikipedia n’asturianu
 
Esti vienres entama na Facultá de Lletres de la Universidade do Porto l’alcuentru “Porto Meeting. Wikimedia minority languages meeting”, nel que van tener presencia dellos espertos en llingües minorizaes y persones implicaes nel desendolque de les diferentes wikipedies en cada idioma. Pela parte asturiana, el vienres a les 19:20 hores, el doctor y miembru de l’Academia de la Llingua Asturiana, Inaciu Galán, va dar una conferencia titulada “L’asturianu, una llingua caminando hacia la oficialidá”. La conferencia, abierta al públicu xeneral, va facer un percorríu rápidu pela hestoria y les circunstancies actuales del asturianu. 
El programa inclúi tamién a representantes d’otres llingües minorizaes y la fin de selmana, yá en sesiones zarraes, va centrase nel estudiu y reflexón sobre la situación de les distintes wikipedies en llingües peninsulares. Van tar representantes de les wikipedies catalana, gallega, vasca y asturiana, ente otres. Pola Wikipedia n’asturianu va tar presente’l maestru d’asturianu y wikipedista Víctor Suárez, que va esplicar la situación que vive anguaño la nuesa wikipedia, que ta nunos niveles bien altos de participación y entraes dientro del ranking de llingües con Wikipedia, y magar la falta d’oficialidá del idioma. 

Susana Sela

 

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies