Les Navidaes más tradicionales aporten a les biblioteques avilesines

  • 10/11/2022
N’Avilés les fiestes navidiegues aporten con tiempu, pero non nos cientros comerciales y escaparates (polo menos non solo nellos) sinón nes biblioteques
Con enfotu de recuperar vieyos vezos asociaos a  estes feches iverniegues, la Estaya de la Llingua en collaboración cola Fundación Municipal de Cultura d’Avilés entamen ya nel mes de payares colos talleres navidiegos, que van desendolcase nes biblioteques de la villa.
El programa entama’l vienres once de payares con un taller en Los Canapés nel que se va dar a conocer latradición d’amburar el nataliegu y va deprendes a facer un ramu de Navidá. La encargá de dirixir estes actividaes sedrá Rosa Cuervo, educaora infantil de l’Asociación Aladanza.
Entamamos esti vienres 11 de payares a les 16:30 en Los Canapés; la cita viniente sedrá’l 18 d’esti mesmu mes, na Biblioteca La Carriona y la cabera’l dos d’avientu en la de La Xunguerosa. Encamiéntase reservar plaza apuntándose previamente neses biblioteques o a traviés del mail estayallingua@aviles.es, ya que la participación ta llendá a 15 rapacinos por taller.
Estes actividaes tan empobinaes a reciella d’ente cuatro y ocho años.
Alberto Rodríguez

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies