Un total de 4.749.035 llitros de llechi fueron destinaos a la ellaboración de 450.962 kilos de quesu Cabrales
Los 450.962 kilos ellaboraos nel 2021 representen un bultable espoxigue dende los 363.727 kilos del añu pasáu, pero entá ta lloñe d’algamase los 522.460 que s’ellaboraron nel añu 2010.
Na ellaboración del quesu Cabrales utilízase llechi crudo de cabra, oveya y vaca en determinaes feches del añu, en concretu en primavera y branu, y de vaca namás a lo llargo l’añu, acordies ta especificao nel Pliegu de condiciones de la DOP Cabrales.
El númberu total de llitros de llechi que los ellaboradores cabraliegos tresformaron en quesu nel añu 2021 foi de 4.749.035. D’ellos, 4.689.914 llitros foron de llechi da vaca, 40.743 llitros de llechi de cabra y 18.378 llitros de llechi d’oveya.
La industria quesera ye un bon motor pa la ganadería llechera, especialmente pa les cabañes d’ovín y caprín, que la so llechi véndese cuasi n’esclusiva pa la ellaboración de quesos. Acordies los caberos datos del SADEI, n’Asturies hay alrodiu de 110.462 vaques llecheres, 39.681 cabres y 59.000 oveyes. El mayor problema al que s’enfrenten los propietarios d’estos animales ye’l baxu preciu al que se yos paga la llechi, xunío al espoxigue de los costes de produción.
Vitor Corte
This work is licensed under a Creative Commons Attribution 4.0 International License.
