• Portada
  • >
  • Cultura
  • >
  • Gonzalo G. Barreñada preslla’l ciclu “Autores nel Camín 2021”

Gonzalo G. Barreñada preslla’l ciclu “Autores nel Camín 2021”

  • 20/12/2021
El Palaciu de Valdecarzana (Avilés) acueye esta tarde l’últimu de los alcuentros lliterarios programaos nel ciclu «Autores nel Camín» nesti añu 2021
Gonzalo G. Barreñada va protagonizar dende les 19.00 hores un actu poéticu-lliterariu cola llectura de poemes del llibru El llar n’orde, ganador del Premiu «Xuan M.ª Acebal» de Poesía 2019.
Autores nel Camín ye un programa que Política Llingüística Principáu d’Asturies punxo en marcha n’abril d’esti 2021  cola mira d’acortar esa distancia ente la ciudadanía y los autores ganadores de los premios lliterarios y artísticos entamaos pol Gobiernu d’Asturies.
15 creadores y artistes asturianos ufrieron esti añu 46 actividaes en 19 conceyos dende’l miércoles, 16 de xunu, hasta güei Los alcuentros, llectures y recitales lliterarios tuvieron protagonizaos por Francisco Álvarez, Xune Elipe, Ruma Barbero, José Ángel Gayol, Sidoro Villa, María José Fraga, Emma Méndez, Alejandro Fernández Osorio, Inaciu Galán y Vero Suari, Alberto Vázquez y Gonzalo G. Barreñada. El proyeutu  va tener continuidá nel viniente 2022.

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies