Una remodelación completa de les instalaciones permite agora l’esfrute del Parque de La Vida a persones con movilidá amenorgada

El Parque La Vida ye un ambiciosu proyeutu educativu que surdió en L.luarca fai alredor de 30 años y que, ensin subvenciones nin sofitos oficiales, convirtió lo que yera un ermu nun espaciu onde averase a la natura, deprendiendo a apreciala y respetala de la man del so fundador.
Dende la selmana pasada esaniciáronse dafechu les barreres arquiteutóniques qu’enzancaben l’acesu al Parque, en toles sos zones, tantu los 800 metros d’esposiciones interiores, como los 1,5 kilómetros de percorríos esteriores, asina comu les instalaciones amiestes, entraes y baños, qu’agora tán a disposición de les necesidaes personales en cualesquier de los ámbitos. D’esta manera, garantízase l’acesibilidá a persones con movilidá amenorgada y sielles de ruedes.
Esti finxu, según el fundador del Parque de la Vida, constitúi “Un retu más pa garantizar la solidaridá con quien lo precisen”.