La sentencia refierse a los trabayadores eventuales que se vieron obligaos a permanecer nos sos llares mientres el permisu retribuyíu recuperable qu’impunxo’l Gobiernu mientres el confinamientu y declara “nula la decisión d’esixir a los trabayadores eventuales la devolución de los permisos retribuyíos recuperables”

La empresa avilesina de montaxe esixó a los trabayadores la devolución de los importes recibíos mientres el permisu retribuyíu recuperable impuestu pol Gobiernu mientres el confinamientu, nel periodu ente y 30 de marzu y el 11 d’abril del 2020,decisión que’l Tribunal Supremu de Xusticia de Asturies declaró nula, restaurando asina’l tratu desigual producíu con respeutu a los trabayadores fixos, y declarando la nulidá de los descuentos practicaos por esi motivu a los trabayadores temporales al rematar los sos contratos, con obligación de la empresa d’adoptar les midíes necesaries pa la so efectividá y la devolución a los trabayadores afeutaos por esti conflictu de les cantidaes indebidamente descontaes pol referíu conceutu.

La midida aplicada por Daorje non solo ye illegal, sinón que perxudicaba específicamente a los trabayadores eventuales, que siempres son los más vulnerables y que nesti casu recibieron la so lliquidación de salariu con una amenorga sustancial de 500, 600 ya inclusive 800 euros, qu’agora-yos serán devueltos.

Nuria Prendes

This work is licensed under a Creative Commons Attribution 4.0 International License.