Los millones qu’ Asturies va tener que devolver veríense amenorgaos a la metá si l’Estáu Español reconociera la delda de 86’5 millones que tien cola Alministración asturiana dende hai casi cinco años
L’Alministración del Estáu avanzó perres de más para faer frente a la pandemia, pero nun yera una entrega, sinón un alantru a cuenta y l’añu que vien va tocar liquidalo. El denomináu Fondu Covid, col que foi dotada l’alministración del Principado para faer frente a les consecuencies de la crisis sanitaria, xunto coles entregues antemanaes a cuenta per parte del Estáu Español, tienen de resultes que’l financiamientu estatal supere con muncho al financiamientu devengáu pol Gobiernu Asturianu, de manera que pal 2022 espérase que la lliquidación del financiamientu autonómicu presente un importante saldu negativu de 164 millones d’euros, cifra que se vería amenorgada a menos de la metá si España devolviera a Asturies los 86’5 millones d’euros correspondientes a la lliquidación del Iva l’añu 2017, indebidamente retenida pol Estáu. La devolución d’esti importe ta reclamáu xudicialmente, pero entá nun hai sentencia al respeutu.
Nuria Prendes
This work is licensed under a Creative Commons Attribution 4.0 International License.
