N’Asturies queden namás 350.583 emplegaos. Otros 41.054 colaron esti añu pa España a la gueta d’un trabayu curiosu, sumándose a los cerca de 156.000 asturianos na diáspora. Son datos del Serviciu Públicu d’Emplegu Estatal -SEPE

La desemeyanza de velocidaes a la hora de recuperar de la “crisis”, con Asturies en retrocesu demientres nel conxuntu l’Estáu meyora la situación, emburria más entá a la población asturiana a desplazase a España. La mayoría d’ellos alcuentren trabayos nel seutor servicios y, seique la intención de tornar al llar ye cuasi unánime, sedrán menos d’una cuarta parte los que lo consigan.

Madrid, el principal destín de los asturianos pa buscar trabayu, cuenta esti añu con cerca d’once mil asturianos más, sumando una población asturiana de 42.627, más que la de Siero y poco perbaxu que la de Llangréu. Pa Castiella y Llión colaron otros 5.000 trabayaores y cerca d’otros tantos pa Catalunya.

Llucía F. M