Plasmu ciudadanu ante l’apaición d’un conteneor enllenu llibros tiraos a la basoria al par Tribunal Superior de Xusticia d’Uvieu

Esta mañana el conteneor d’obra allugáu na Cai San Xuan d’Uviéu apaecía enllenu de llibros tiraos a la basoria, la mayoría d’ellos de temática venceyada a estremaes rames del drechu, seique tamién los había d’arte, de socioloxía y d’otros temes.

A lo llargo la mañá foron munchos los pasiantes que, avisaos a traviés de les redes sociales, s’averaron al númberu 2 de la Cai San Xuan, d’Uvíeu, a pañar dalgunos exemplares, pero’l conteneor tien entá centenes de llibros que, si naide recueye, dirán a parar al vertederu. Los llibros alcuéntrense’n bones condiciones, tando dalgunos d’ellos incluso ensin desempaquetar, nel so embalaxe orixinal.  Ignórase’l motivu pol que foron tiraos en llugar de ser donaos a una biblioteca o puestos a disposición pública.

Llucía F. Marqués

This work is licensed under a Creative Commons Attribution 4.0 International License.