Falten más de diez díes pa la popular procesión sidrera que cellebra tolos Vienres Santos la sagrada veneración de los asturianos pola sidre, pero hai qu’andar sollertes: les places son llendaes y queden poques

La revista LA SIDRA convoca un añu más, y son 15, el so Sidracrucis, la tradicional procesión, que llevará a los sos participantes de chigre en chigre y de llagar en llagar nuna pelegrinación enllena sentimientu.

L’eventu entamará a les doce’l mediudíe, col culín inaugural y el repartu d’identificaciones, pa salir darréu siguiendo a les gaites de la banda El Gumial peles cais, llagares y sidreries, y nun finará dica la nueche, cuando los autobuses lleven a los pelegrinos de vuelta pa casa, cola satisfación del llabor cumplíu. Pa toos aquellos que quieran xunise a esta significativa procesión pondránse a dimposición dellos autocares dende  Xixón, Uviéu y Avilés.

Muncha folixa, munchos pinchos, autobús, espicha, música’l país y tola Sidra que se seya quien a beber- tien un coste de 65 €, que baxa a 60  pa grupos de cinco o más presone..

Les persones interesaes n’acutar plaza –son llendaes por motivos d’organización– pueden facelo nel teléfonu de contautu 652.594.983 o nel corréu lletrónicu sidracrucis@lasidra.as.

Redaición InfoAsturies

This work is licensed under a Creative Commons Attribution 4.0 International License.