L’últimu informe oficial vuelve recoyer cifres alarmantes, costatando que la probitú severo triplicó  en 10 años y que’l 12’6% de la población asturiana carez serios problemes económicos, porcentaxe que se dispara fasta’l 35% ente les families monomarentales y les persones que perciben pensiones de vilbedá

L’informe de 2017, que la Rede Europea de Llucha contra la Probitú y l’Esclusión Social presentó esta mañana a los diputaos del parlamentu recueye qu’el 12,6% de la población asturiana atopase’ n riesgu de probitú y que’l 3,5% carez falta material severa, lo qu’implica qu’esta triplicó nos postreros diez años. Esta situación traduzse en 130.405 asturianos que viven con menos de 680 € mensuales por unidá de consumu, de los que más de la metá, 57.000 persones, perciben menos de 355 euros por unidá familiar, cifra que fai imposible facer frente a los gastos más básicos.

Les más afeutaes vuelven ser les muyeres, bien especialmente les families monomarentales, ente les qu’el 35% atopase’n situación de riesgu, probitú o esclusión social, daqué qu’implica peraltos niveles de probitú infantil. Otru grupu de riesgu son los pensionistes, el 25% de los cualos tán nesta situación, algamando’l 36% si mos llindámos a los que perciben pensiones de vilbedá.

Costátase amás un alarmante aumentu d’estes situaciones pente les persones meyor formaes o con estudios cimeros, echando per tierra la teoría de que lo que se precisa ye más formación p’atopar emplegu.

Llucía F. Marqués

This work is licensed under a Creative Commons Attribution 4.0 International License.