Los continuos recortes, la precariedá llaboral ya’l desdexamientu de los sectores productivos hestóricamente cabezaleros na economía asturiana lleven a la población asturiana a la llende de la miseria

Acordies l’estudiu de la Rede Europea de Llucha escontra la Probitú y la exclusión Social n’Asturies, 139.709 asturianos tan perbaxo de la llende la probitú, subsistiendo con menos del 60% del ya escasu SMI, ello ye, con 500 € o menos al mes. Otros 54.000 caltiénense nel esmucerín d’entrar nesa cuenta, n allende xusta pente la probitú y la “normalidá”. Un cincu por ciento vive en probitú material severa, con menos de 340 € al mes.
Munchos de los que sobreviven na miseria trabayen o cobren pensiones, daqué que ya nun garantiza un nivel dignu de vida.
Nun país fondamente envieyecíu, el 41,4% de les pensiones nun algamen l’umbral de la probitú y cuasi’l 10% caltiénense perbaxo la llende la probitú severa ya ensin esperances de meyora. Esta cifra algama’l 50% cuando falamos de pensiones de vildedá.

Redaición InfoAsturies

This work is licensed under a Creative Commons Attribution 4.0 International License.