Trucha Arcuiris nel Musel

  • 31 Xineru, 2018

Los ecoloxistes amuésense sosprendíos énte la decisión de la Dirección Xeneral de Pesca Marítima del “Principado” de siguir  alantre col proyectu de cria de trucha arcuíris (Oncorhynchus mykiss) nel xixonés puertu del Musel

Los motivos para tar en contra d’esta aniciativa son dos: per un llau, la trucha arcoíris ye una especie invasora que yá xeneró problemes ecolóxicos nes zones nes que s’introduxo.  Un escape d’estos pexes escontra los nuesos ríos podría agravar les condiciones de vida de la trucha autóctona (salmu trutta). Ello ye que la so introducción nel medio natural ta prohibida en tol territoriu estatal y nes zones marines xurisdiccionales, tando esta especie incluyida nel Catálogu d’Especies exótiques Invasores dende l’añu 2.013.

Per otra parte, la mala calidá de les agües fai desaconseyable’l so usu para criar animales con destín al consumu humanu, yá que a los los arramaos avezaos de graneles al puertu y los frecuentes llurdios de carbón nes sableres de la zona súmense los arramaos acidentales de los barcos nel puertu y la malísima calidá de les agües que salen de la ría d’Aboño, collendante al puertu.  Recordamos que’n Xixón sigue ensin depurase bona parte de les agües residuales urbanes, que son arramaes al mar ensin tratamientu dalu.

D’alcuerdu a los datos facilitaos poles analítiques realizaes pol muerganismu de Cuenca na ría d’Aboño tán presentes numberosos contaminantes n’altes concentraciones. En concretu, los niveles de dellos hidrocarburos arumosos cíclicos incumplen reiteradamente’l Real Decretu 60/2011, de 21 de xineru, sobre les normes de calidá ambiental nel ámbitu de la política d’agües, tando clasificaes éstes, como sustancies pelligroses. Los niveles d’Amoniacu non ionizáu, Amoniu total, Nitritos y Cinc superen los niveles aptos para la vida piscícola.

Por tou ello dende la Coordinadora Ecoloxista d’Asturies nun pescancien que’l “Principado” consienta una esplotación de acuicultura nun allugamientu contamináu y con una especie invasora.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies