República de Catalunya: primer díi

  • 28 Outubro, 2017

Andecha Astur l’únicu partíu n’Asturies en felicitar al Pueblu Catalán pola so independencia, demientres el restu nun se se posiciona o faelo  a favor del reinu d’España y de la represión de les llibertaes puesta en marcha por Rajoy

El ñacimientu d’una nuea república europea foi recibíu polos independentistes asturianos como una noticia perpositiva “nel comencimientu de que güei son ellos, mañana nós.”

La organización asturiana, que foi la única que sofito abiertamente y dende l’entamu’l proces catalán, denuncia’l silenciu cómpliz de “los que se dicen izquierda alternativa y en rialidá nun son más qu’una sucursal madrilana al serviciu de los sos amos” en referencia a la indiferencia amosada pola izquierda española n’Asturies énte la privación de llibertaes qu’implica’l comportamientu del gobiernu español nel procesu democráticu catalán, calificando de golpe d’Estáu a la maniobra de Rajoy pa facese pola fuercia col poder en Catalunya.

Asinamesmo reclamen pa la defensa d’Asturies l’enfotu puestu pol “Principado” en temes que son ayenos al nuesu país, criticando les desaforaes declaraciones del Presidente del Principado “al qu’enxamás nun sentiremos defender Asturies con una misquinina d’intensidá cola que defende la represión en Catalunya”

Redaición InfoAsturies

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *