Coincidiendo cola viéspora  del Díe de la Nación Asturiana, les sedes de los partíos políticos y sindicatos “más representativos” n’estremaes llocalidaes de la xeografía asturiana alborecieron  con mensaxes fondamente críticos colos qu’ Asturies Rebelde unvía un mensaxe a partíos y sindicatos

Avilés, Xixón, Uviéu, La Pola Siero, L’Infiestu, Mieres y L’Entregu foron les ciudades onde s’allugaron la mayoría de les pancartes, firmaes por Asturies Rebelde y de conteníu fondamente críticu pa coles organizaciones nes que se colocaron.

Asina, na puerte la sede’l PSOE podía lleese: “Pistoleros del GAL, corruptos. Fundistis Asturies. “Ni olvido ni perdón”, n’alusión al desmantelamientu económicu y cultural que careció Asturies y del qu’esti partíu ye’l principal responsable,

col sofitu d’IX, a quienes unvíen esti mensaxe “Sicarios del PSOE. “Alijo” de socialdemócrates. Fundistis Asturies”.

Na sede del PP alcontrábemos  una alusión a los atentaos y los negocios armamentísticos españoles“El PP fae negociu cola guerra y el pueblu paga con muertes”,

mientres qu’a FORO recrimínaseyos el so idegariu d’estrema drecha “Facistes fuera d’Asturies”, lo mesmo qu’a CIUDADANOS.

A PODEMOS critícaseyos por desaniciar el movimientu nes cais con falses promeses, acusándolos de tener interés namás que pol puestín “Vaciastis les cais pa dir a buscar les poltrones”

ya en tolos sindicatos (CCOO, UXT y USO) allugóse el mesmu mensaxe:     “Vendeobreros. Los despidos nun se firmen y los derechos nun se venden”. 

Asturies Rebelde, que foron los que desendolcaron esta campaña de critiques, recalquen que la soberanía ye necesaria, pero non suficiente “Dende Asturies Rebelde saludamos y sofitamos les lluches pola emancipación de los Pueblos en cualisquier llugar del mundu, incluyíu l’Estáu español, pero camentamos que los procesos hacia l’autodetermín y la soberanía o independencia política de los pueblos y naciones ensin Estáu, como Asturies, namás pueden tener un caláu fondu y un calter realmente tresformador de la sociedá na que tienen llugar, cuando tán dirixíos pola clase obrera ya enxertaos na so llucha escontra’l capitalismu, seya esti foriatu o autóctonu.”

This work is licensed under a Creative Commons Attribution 4.0 International License.