La contaminación por enterococos intestinales impide’l bañu a los usuarios de la playa de Bahinas, na castrillonense llocalidá de Santa Maria’l Mar
Los análisis quincenales que fae l’Axencia de Sanidá Ambiental y Consumu nel so Programa de Xixilancia Sanitaria de Zones de Bañu en dalgunes playes asturianes estudien los parámetros microbiolóxicos de contaminación fecal, concretamente enterococos intestinales y Escherichia coli.
Gracies a estos análisis rutinarios, na playa de Bahinas vien de costatase la presencia d’enterococos intestinales, ñiciu claru de contaminación fecal reciente, polo se señaliza con bandera collorada, indicando asina que’l bañu nes sos agües podría ser peligrosu. La playa caltendráse presllada polo menos fasta qu’otra analítica amuese que ta en condiciones, daqué que nun ocurrirá al menos dica mañana, ya que tienen de pasar un mínimu de 72 hores anantes de repetise los análisis.
El protocolu indica qu’amás debería investigase la fonte de la contaminación, que probatiblemente aporte a la mar por vía fluvial, pa evitar socesivos episodios contaminantes.
Redaición InfoAsturies
This work is licensed under a Creative Commons Attribution 4.0 International License.
