• Portada
  • >
  • Cultura
  • >
  • Ta abierta la matrícula pa la preba de conocencia del asturianu

Ta abierta la matrícula pa la preba de conocencia del asturianu

  • 18 Mayu, 2017

Fasta’l 25 de xunu ye posible apuntase pa facer l`esame qu’afita la conocencia d’asturianu nel nivel básicu. La preba, a la que se puede presentar quien quiera ensin titulación previa, va celebrase`l sábadu 27 a les 9.30 hores na sede de la istitución n`Uviéu.

Ca añu l’Academia de la Llingua Asturiana convoca dos prebes de conocencia básica, una en xineru y otra xeneralmente en primavera, seique esti añu retrásase dica’l 27 de xunu.

Con esta preba tolos ciudadanos interesaos en certificar –con fines llaborales o personales- la so competencia llingüística pueden algamar el documentu correspondiente. Pa ello tienen d’amosar el so dominiu tanto del llésicu y les normes llingüístiques como de la situación del idioma anguañu, incluyendo’l so procesu de normalización, a traviés de dos esamines, l’oral ya l’escritu.

Na preba falada  un de los xuraos caltendrá una conversación col aspirante y la escrita inclui un dictáu, una torna, una riestra d’exercicios gramaticales y una redaición.

Redaición InfoAsturies

Dexa una rempuesta

O teu enderezo electrónico non se publicará