Xornada Antirepresiva en La Pola Sieru

  • 10 Mayu, 2017

Seies organizaciones d’izquierdes acomuñen pa cellebrar una xornada en protesta pola represión nel Llar el Mataderu, en La Pola Sieru

Dos asociaciones d’estudiantes – el Bloque Críticu Estudiantil y la Xunta Estudiantil Asturiana- dos antifacistes –Asturies Antifacista y Nora Antifa– ,l’Asociación de mocedá   Juventudes Libertarias d`Asturies ya’l  Llar El Mataderu comu sede del eventu son les organizaciones implicaes nesti actu revindicativu que pretende  “dar visibilidá a les sos lluches al tiempu que dir creando llazos pente la xente que quier francer cola opresión xenerada pol estáu español y les sos lleis.”

Tolo recaldao dirá a parar a FUSOA, la caxa de resistencia xunitaria cola que facer frente a multes ya otres cuestiones derivaes de la llucha escontra la represión.

La xornada entamará a les doce del mediudíi, con sesión vermú y concursu de tiru con gomeru, esporte popularizáu polos trabayaores del seutor Naval. Darréu la xinta popular tendrá llugar un prestosu alderique sol movimientu estudiantil y la llucha caleyera.

NYTO, raperu condergáu a prisión poles sos lletres, falará a continuación, dando pié a un alderique so la represión y la llibertá d’espresión .

El díi finará con un conciertu nel que, de magar les ocho, actuará`l mesmu NYTO, Buoy Muortu, Arma X, Wayne Fdz y Ozonoman, MDN Players y Dope to Ethereal.

Redaición InfoAsturies

Dexa una rempuesta

O teu enderezo electrónico non se publicará