Probitú enerxética

  • 26 Febreiro, 2017

Suben los precios del gas y la lletricidá en plena fola de frío.

El mes más fríu l’añu foi l’escoyíu poles compañíes llétriques  pa cobrar la lletricidá más cara, con un incrementu de más d’un 4 % nel preciu  la lluz que vieno a sumase al 25%  de medra que los consumiores carecieren nos caberos  meses del 2.016. Cuasi simultáneamente, encarezse la bombona de butanu un 5% , acumulando un alza del 14,5% dende xunetu.

Estes medies dañen seriamente la calidá de vida de los llares con menos recursos, les llaceries por mor d’esti problema son evidentes, toos tenemos na memoria’l reciente incendiu d’un vecín de Deva, pero la probitú implica non solo la falta de lluz y calefación, sinón d’agua caliente y mediu de cocinar. “Danmos llegumes y, pero si nun teo lluz ni gas… , cómo lo faigo?” llamentaba A.L.M, ma de dos neñes, tras recibir el sofitu en comida que se reparte dende’l Bancu d’ Alimentos d’Asturies.

Una familia asturiana a la que se y corte’l suministru enfrentará unos costes de reenganche d’alrodiu los 200 €, arriendes de les factures atrasaes, polo que son munches les families que prefieren pasar frío anantes d’arriesgase a nun poder pagar la factura. La prohibición de cortar la llume a les families ensin recursos tien de ser desendolcada anantes de la so aplicación y nun veremos les sos consecuencies fasta bien entrada la primavera.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *