Desde XEGA (Colectivo LGTBI+ d’Asturies) convoquen a la manifestación del día 28 por mor del Arguyu 2025, baxo’l llema ‘¡Vergoña! 20 años depués ¡Asturies ensin llei LGTBI+!’
El coleutivu torna reclamar y desixir l’aprobación d’una llei autonómica LGTBI+, quepermita qu’Asturies se ponga al día en drechos LGTBI+. Agora mesmo Asturies ye, Xunto con Castiella y Llión, de los únicos territorios del estáu que nun tienen entá una llei que xestione y protexa los drechos de la comunidá.
Amás, denuncien la fola reaccionaria de la estrema drecha y les sos consecuencies sobre’l coleutivu LGTBI+, non solo nel ámbetu nacional ya estatal, sinón tamién nes polítiques internacionales, apontando a la prohibición de manifestamientu n’Hungría, por casu, o a la negativa d’EEXX a reconocer la so identidá a les persones trans.
Por ello faen un llamamientu a la participación a tola ciudadanía y al movimientu social asturianu pa defender los D.D.H.H, los drechos
sesuales, a la diversidá sesual ya identidá de xéneru.
El manifestamientu, que pon el ramu a un mes apináu d’actividaes vindicatives, sedrá’l 28 de xunu y saldrá a les 18:00 H del Paseu de Begoña en Xixón, pa terminar na Plaza Conceyu.
Llucía F. Marqués
This work is licensed under a Creative Commons Attribution 4.0 International License.
