El galardón ñaz col envís de ser añal, reconociendodo l’enfotu de persones que lleven tola vida calteniendo, espardiendo y tresmitiendo’l folclor asturianu
El sábadu 26 a les 19h na Capiya Los Dolores la recién entamada asociación de folclor La Flor de Grau va facer entrega d’el reconocimientu a la cantante s d’asturianada Mariluz Cristóbal Caunedo, “referente indiscutible de la tradición y del folclor asturianos”; esta tinetense de 77 años entamó la so carrera musical ganando dellos concursos de tonada, espublizando’l so primer trabayu grabáu nel añu 98 ‘Misa Asturiana de Gaita’, que grabó con José Antonio García Suárez, el Gaiteru de Veriña. Otros trabayos de so son Onde la ñublina posa, Cantar de Seronda y Cancios y asturianaes, collaborando tamién con dellos artistes ya en dellos trabayos coleutivos.
L’Asociación de Folclor la Flor de Grau comprometióse a “facer un reconocimientu añal nel tiempu de la primer Flor nel qu’agradezamos l’enfotu de persones y organizaciones que lleven tola vida calteniendo’l folclore y tresmitiéndolo a les xeneraciones nueves. Un enfotu desinteresáu, a vegaes incomprendíu, abegosu y costosu que namás la pasión y la constancia lleven alantre”.
Susana Sela
This work is licensed under a Creative Commons Attribution 4.0 International License.
