Pesi a que l’argumentu principal pa la puesta en marcha de la regasificadora d’El Musel foi’l so papel como almacén lloxísticu o como suministru al Norte d’Europa, en realidá nun xugó dalu papel n’esi sen, de fechu les úniques cargues de gas unviaes fora d’España lo fueron para Croacia, Arxentina o Exiptu y nesti últimu casu, nin siquier yera una carga completa

La Regasificadora d’El Musel, con unu usu mediu, dende la so puesta en marcha, del 13,6 % fina l’añu 2025 con 2,5 Millones de m3 de GNL regasificao. El total de buques descargaos dende la so puesta en marcha foi de 20, tando’l WILPRIDE, que va faer el númberu 21 a la espera de descargar una nueva unviada. Cinco fueron les cargues feches a lo llargo d’esti tiempu, dos d’elles para otres regasificadores españoles, Huelva y  Cartaxena.

Esto supunxo que los unvios de GNL fora del estáu malpenes supunxeron un 8,4 % de tol metanu que llegó a la planta, entantu que cuasi’l 86 % foi regasificao y arramao a la rede gasista, entantu que’l 3,7% unvióse en camiones cisternes.

Énte estos datos resulta evidente que la regasificadora nun sirvió p’atayar los problemes enerxéticos,  comu denuncien dende Ecoloxistes N’aición d’Asturies, que siguen defendiendo que l’apertura d’esta planta n’El Musel yera innecesaria.

La sida pa la so apertura -dempués de tar mientres dellos años paralizada por orde xudicial-,  yera  reespedir el gas a Europa pa faer frente a la crisis enerxética pol descensu d’importaciones del gas ruso, pero de fechu el 80% del gas natural llicuao recibio quedóse na rede estatal, que yá tenia regasificadores perriba les necesidaes reales. Países como Alemaña y Finlandia, potenciales destinos del gas natural licuao n’El Musel, contrataron regasificadores flotantes que s’abastecen de gas estaoxunidense principalmente. 

Supuestamente esta planta, contaminante y peligrosa, yera imprescindible pal so usu como almacén lloxísticu y pal reunvíu de gas natural llicuao al norte d’Europa. Sicasí dedicóse a suministrar gas natural a la rede nacional, daqué pa lo que nun yera necesaria, una y bones les plantes españoles tán furrulando a menos d’una cuarta parte de les sos posibilidaes. 

Nel Dos Santos

This work is licensed under a Creative Commons Attribution 4.0 International License.