De los díis 4 al 13 d’agostu tendrá llugar comu tolos años na capital bretona d’An Oriant (Lorient) el que ya ye conocíu comu ún de los eventos culturales musicales y folclóricos de referencia del mundiu celta nel que danse la man les naciones celtes con Irlanda comu cabezalera nesta edición xunto con Asturies, Gales, Cornualles, Bretaña, Islla de Man, Galicia y Escocia
El Festival Intercélticu Lorient nació hai más de 40 años del deseyu de los sos fundaores de contribuyir al desendolcu de la música y la cultura bretona y dar puxu a la comuña pente los países de raigañu celta.
Anguañu el ye un de los mayores festivales de música celta, folk y tradicional del mundiu, con más de 120 espeutáculos en diez díes, el 60% de baldre, 4500 músicos, cantantes, ballarinos, espertos celtistes y artistes dellos allegaos d’Escocia, d’Irlanda, de País de Gales, de Cornualles, d’Isla de Man, de Galicia, d’Asturies, de Bretaña, de USAR, de Canadá, d’Australia… de cualisquier país con raigañu celta, ya seya direutu o a traviés de la inmigración.
Espérense más de 700.000 espectadores nesti eventu, nel qu’Asturies tará representada pol grupu de música folk Algaire, Jose Manuel tejedor, la Banda Gaites de Castrillón, el Grupu de Baille’l País, Fitoria ya’l gaiteru Daniel Meré. Una dellegación d’InfoAsturies tará tamién allí, col compromisu de dir informando de les novedaes del Festival.
Susana Sela
This work is licensed under a Creative Commons Attribution 4.0 International License.
