Daniel Ripa “¿Por qué la dirección d’un partíu xugaría a nun presentase nos conceyos, a romper los alcuerdos de confluencia, a atacar a la so candidata, a torgar frentes amplios?”

7 Marzu, 2023

“La situacion interna de podemos ye crítica. Tán asocediendo coses estrañes, como que la candidata votada nes primaries por 1600 persones non solo nun se fai campaña por ella sinón que l’únicu espardimientu que se fai ye para atacala, usando les redes sociales del partíu, lo cual ye una cosa absolutamente inaceptable”

¿Qué ye lo que ta en xuegu nesti etenru enguedeyu de Podemos Asturies?

Ta en xuegu’l valor d’autonomía a nivel estatal, el nivel de los valores éticos que se rellacionen con Podemos. Tamién una posición de firmeza respecto al Partíu Socialista, a lo que representa esi partíu na nuesa tierra. Tou eso en dalguna manera ta en xuegu y eso ta dirimiéndose agora n’una disputa ente democracia y centralismu, autoritarismu.
Esi ye’l procesu onde tamos y ye un procesu complicáu porque lo que fixo Podemos nestos meses ye faer munchos espedientes municipales pero poques candidatures municipales, poques confluencies.

¿Refiéreste a que nun se ta trabayando bien cara a les prósimes elecciones?
La situación ye muncho peor que fai cuatro añós, si va cuatro años hebio en Podemos. 34 candidatures municipales de les qu’en redol a diez yeren de confluencia, a día de güei solo hai conformada una confluencia en Podemos Asturies, pesi a que Sofía Castañón y el so equipu dixeron que llegaben pa confluyir con IX y p’enllantar municipalmente. Sólo hai 7 candidatures montaes. De 34 pasemos a siete y de diez alcuerdos de confluencia a solo un, n’Avilés.
La mesma Cuadonga Tomé ta siendo espulsada de xuntes de diálogu, de confluencia con IX.

¿Qué interés hai en tou esto?
Ye una situación bien delicao onde se ta diendo en sen contrariu a la costitución de frentes amplios y ende ye onde surde la entruga que faemos.
¿Por qué la dirección d’un partíu xugaría a nun presentase nos conceyos, a romper los alcuerdos de confluencia, a atacar a la so candidata, a torgar frentes amplios? Pos evidentemente porque nun se quier un frente ampliu, non quier dise bien nes elecciones
Nun se tien la mayoría na organización y quier gobernase pola fuerza y reinar sobro les cenices. Eso ye lo que ta en disputa y lo qu’hai que combatir.

¿Hai salida a esa situación?
Creemos que tien qu’haber una solución democrática, votando y alliniando al partíu cola candidata que tien que ser el so representante nes elecciones y que tien el sofitu mayoritariu de de los votantes de Podemos. Queremos votar n’asamblea ciudadana y que la xente fale. A la fin nun hai que tener mieu a los escritos, nun hai que tener mieu a la xente.

¿Cómo veríais la posibilidá de participar nun Frente Común d’izquierdes asturianes?
Asturies precisa una unidá y d’una confluencia estratéxica de toles fuerces tresformadores que quieran plantegar una alternativa al Partíu Socialista n’Asturies.
Hai que lleer la coxuntura política. Mientres les dos caberes llexislatures, en 2.015 la primer fuerza político n’ Asturies yera la suma de los votos de Ps ya IX con 14 diputaos y más votos qu’el PSOE, col 32% de votu, pero’l PSOE utilizo la división entre Podemos ya IX pa sofitase n’un a cuenta de llindar l’otru, esa foi la dinámica de la llexislatura con Llamazares.
Llamazares creía nesi momentu que Podemos yera flor d’un día y que polo tanto había que resalvalo y nun llegar a alcuerdos y de dalguna manera Podemos taba nuna estratexa de sorpasu al PSOE onde entendía qu’IX diba dir perdiendo fuerza col tiempu. La realidá demostró que podemos tenía una resiliencia fuerte y venía d’incorporar a xente que taba escluyida de la política, nuevos sectores sociales, nueves lluches, nuevos conteníos, nueves idegues, nueves temes ya IX demostró que tenía una base xeneracional, municipal, sindical, social, qu’en Asturies a lo menos díba-y a ayudar a aguantar. Consiguióse dalgún llogru, pero menos de los que tendría d’haber con esa fuerza político.

Nesta segunda llexislatura onde taben tamién Podemos ya IX lo que vimos ye que’l bloquéu, la capacidá del partíu socialista basar nesti axente naranxa, esti virus naranxa, Cs, que taba creáu precisamente pa evitar l’accesu al poder de Podemos.
Barbón tuvo xugando a la xeometría variable tola llexislatura, sofitándose en Cs. Y bloquiando cualquier meyora, inclusive teniendo la desfachatez de dicir que ta impulsando una reforma a un estatutu d’autonomía na que nun foi capaz de presentar nin un solu documentu, solo presentó un artículu na so propuesta de reforma. Rescamplaba qu’el que menos interés tenía en que saliera adelantre la reforma del estatutu yera Adrián Barbón porque solo xeneraba disensiones internes, alderique social… nun quixo dir más allá y naide tuvo la fuerza d’emburria-y a dir más allá. Ensin Ciudadanos el mapa en Asturies va camudar a partir de xunu del 2023. nun va haber xuna alternativa de gobiernu na que non este l’espaciu de Ps ya IX y de les esquierdes alternatives.
L’alderique que se tien que faer ye si llegamos a esi momentu cola máxima fortaleza posible o vamos llegamos nuna situación de debilidá, esto ye, ¿Vamos llegar a xunu débiles, ensin capacidá de faer midíes estructurales o vamos llegar con una unidá estratéxica, con fortaleza, con capacidá por que nun se faiga nenguna política industrial o política sanitaria n’Asturies, por casu, que non pase per esi espaciu o que necesariamente esté n’axenda d’esa reforma estatutaria.
Esa ye la clave de lo que se ta dirimiendo estes selmanes. Si esiste esta fuerza político vamos ver planes p’atayar les llistes d’espera, más sanidá pública, paralización del proyectu de Quirón. En materia industrial vamos ver probablemente un gran ente públicu qu’intervien y participa n’empreses estratéxiques, un fondu de participación pública industrial, ye dicir, creación de puestos de trabayu con intervención pública y nun dexando faer al mercáu.
Esos son dos de los grandes retos que tien Asturies, la creación de futuru, d’empléu, el cuidu, la dependencia de los nuesos mayores, el cuidu sanitariu cuando la xeneración del Baby Boom ta xubilándose y cada vez tien más necesidaes asistenciales y sanitaries.
La utilidá d’esi frente ampliu ye la posibilidá n’Asturies de ser, per primer vegada nos postreros ocho años y probablemente más allá, decisivos en que nun haya nenguna decisión que non pase per esi espaciu, nun haya ningúna alternativa de gobiernu posible.
Asturies precisa pa tener futuru autonomía política pa buscar soluciones a los sos problemes, pa podese llantar frente al gobiernu central cuando seya necesario, fuerza d’eses organizaciones pa defendelo, Autonomía p’aguantar les presiones que puedan venir, autonomía de les sos organizaciones en Madrid pa poder llevantar la voz y tamién influyir. La utilidá del Frente Ampliu ye esa conexón colos partíos estatales en Madrid pa poder tener más capacidá d’intervención nel gobiernu central.
Puede haber un procesu de sumar que faiga qu’haya ministros asturianos y polítiques asturianes que tean en Moncloa, nel conseyu de ministros, eso tamién ta nesi procesu.
Frente ampliu si, pero’l Frente Ampliu tien que recoyer a IX, a Podemos y a la diversidá qu’hai n’Asturies y esa autonomía que dexe ganar fuerces pa determinar lo qu’asoceda n’en xunu, pa determinar un modelu políticu que tea rellacionáu en Madrid que tenga autonomía pa defender la voz d’Asturies ya influencia nel gobiernu central.