• Portada
  • >
  • Mundiu
  • >
  • 18 plantes asturianes na despensa mundial d’alimentos

18 plantes asturianes na despensa mundial d’alimentos

  • 17 Agostu, 2022

Casu de llaceria mundial, los humanos sobrovivientes podrán comer llechugues gozoniegues y trigu somedán, pente otro

El Bancu Mundial de Semiente Svalbard ye un descomanáu almacén soterráu de semiente de miles de plantes de cultivu de tol mundiu, allugáu na islla de Spitsbergen, nel archipiélagu noruegu d’Svalbard. ​

Con una estensión de más de mil metros cuadraos, la que ye la tercer copia de seguridá de plantes comestibles ye la más grande del mundiu. Diseñá pa resistir terremotos, bombes y otres llaceries, conozse-y comu “la cámara del fin del mundiu” y nella podemos alcontrar 18 productos asturianos. De ca planta reserven 500 semiyes, que garanticen la repoblación de la mesma nun escenariu apocalípticu.

Asina, casu de venir una llaceria mundial que ponga en pelligru la población humana, los sobrovivientes podrán esfrutar del trigu de Somiéu, les llechugues de Gozón, les fabes cabraliegues o les cebolles maliayes, pente otres delicies.

Nel Serida hai una copia d’estes mesmes plantes asturianes, a les que s’añaden les de cientos de variedaes de pumares de sidre, p’asegurar la so pervivencia casu de catástrofe.

Alberto Rodríguez

 

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies