Si hebio un país a la vanguardia del movimientu antitaurin fora Asturies porque, a los argumentos de crueldá, tortura y anacronísmu, n’Astruies añadese’l fechu de que la tradición taurina ye inesistente na cultura asturiana

A los asturianos gústenmos los toros, ¿comu non? préstanos velos paciendo en práu y pelos montes. Nun mos presta velos desangraos, torturaos y humildaos fasta la muerte: pocu hai más ayeno a la cultura tradicional asturiana que’l abusar ensin xaciu d’un animal indefensu. Poro, l’anunciu de la perpetración, el prósimu 20 d’agostu, d’una corrida en Benia d’Onís prende toles allarmes y esconsoña a l’Asturies antitaurina

Les aiciones de potesta entamen con una recoyía de robles en change.org, na que s’argumenta que la tortura animal nun tien cabida nuna sociedad civilizao y qu’Asturies ye un paradisu natural onde nun esiste’l raigañu taurín-torturaor.nL’añu pasáu algamáronse les 57.000 robles contra estos actos, paralizándose la nuviellada prevista en Cangues y poniendo fin a la feria de la tortura taurina de Xixón.

Con estes robles los asturianos desixen al presidente del Principado, al conceyu d’Onís y a los diputaos de la Xunta Xeneral d’Asturies que llexisllen y declaren a Asturies llibre de maltratu animal y de corries de toros pa siempres. Pues sumar la to voz nesti enllaz… y por favor, comparte.

This work is licensed under a Creative Commons Attribution 4.0 International License.