Fina’l procesu de refalanxización de les cais d’Uviéu

  • 26 Marzu, 2021

Un erru na tramitación del espediente qu’aplicaba la Llei Histórica n’Uviéu dexa que los franquistes vuelvan tomar les cais de la capital asturiana. Nel procesu invirtiéronse más d’ocho mil euros solu n’arreglu de plaques

Yá remató’l procesu de restitución de los nomes franquistes de les cais d’Uviéu.  Gloria Fuertes foi desbancada pol Comandante Vallespín y Caballero quita del so puestu a Concepción Arenal, entantu que les profesores de la República retirense n’honor a Celestino Mendizábal, con un golpe d’efectu dáu pola Hermandad de Defensores, entidá falanxista qu’en 2017 interpunxo un recursu contra l’anterior cambéu de nomes, al que se sumó’l Partíu Popular.

El cambéu inicial qu’esaniciaba del caleyeru uvieín los nomes franquistes, en cumplimientu de la Llei Histórica, foi realizáu pol tripartitu entós nel gobiernu -PSOE, IX y SOMOS- ensin afaese a la normativa llegal pal procedimientu, dexando asina que la estrema derecha salir cola de so, recuperando los nomes qu’homenaxen al golpe d’estáu franquista y al posterior réxime. Asina lo recoyía la sentencia emitía’n setiembre del 2018, desoyía pol anterior gobiernu llocal, dirixíu pol socialista Wenceslao López, anguaño voceru socialista nel Consistoriu, quien nun acató la orde pero tampoco entamó los trámites correchos pa que’l cambéu de nomes fuere llegal. La segunda sentencia, d’ochobre del 2020, obliga non solo a la humildante reposición de los nomes, sinón que va ser el Conceyu d’Uviéu quien cargue colos costos derivaos, non solo de dambos cambeos de nomes a les cais, sinón de los dos procedimientos xudiciales, incluyendo los d’arreglu de les plaques estropiaes na primer retirada de les mesmes, por un valor perriba los 8.000 euros.

Seya que non, ye previsible qu’esti cambéu de nomes seya tamién provisional y qu’al mediu plazu se faiga necesaria una nueva re-reposición de los nomes de les cais, n’aplicación de la llei asturiana de la Memoria Hestórica, que prohibe dende 2019 “los símbolos y actos d’esaltación del franquismu o de calter antidemocráticu”. La falta de concreción d’esta norma contribuyó a l’actual situación, yá que na so redacción recuéyese que dexa que les entidaes llocales adouten “les midíes necesaries para dar na retirada o eliminación de los elementos contrarios a la memoria”, ensin obligar a denguna midía específica.

Mentanto, la banderona del Reinu d’España va tar acompangada nes cais d’Uviéu polos sos fieles defensores, ente los que destaquen sanguinarios reconocíos como Gerardo Caballero Olabézar, que’l so papel destacáu na brutal represión de posguerra y valió pa consiguir el so nomamientu como delegáu del Orde Públicu, puestu dende’l qu’entamó y remanó la represión de la man de los escuadrones falanxistes, formando tamién parte de la comitiva que recibió al líder nazi Heinrich Himmler mientres la so visita a Franco.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies