Dientro de’esi llabor, vienen d’espublizar el númberu 18 de la so espublización añal, ASTOR. Nesta ocasión podemos alcontrar nelli 7 artículos d’interés, entamando pola  Hestoria de la propia Lliga Celta d’Asturies, dende’l puntu de vista del so presidente, Fernán Morán. Dende’l mesmu envís autobiográficu del movimientu celtista, Gausón Fernande, etnógrafu y miembru de la Fundación Belenos, fae una escoyeta de “Vieyos testimonios so’l celtismu astur”.
El conocíu etnógrafu, dibuxante y escritor, Berto Peña, apurre’l so granín con un un artículu cientráu na so especialidá, “Mitos y tradiciones del mar Cantábricu”. El raigón arqueolóxicu, míticu y cultural de les fiestes celtes de l’Asturia Cismontana ye desplicáu por Miguel Angel González González, inxenieru e investigador n’astroarqueoloxía; ya’l biólogu y miembru de la Sociedá Asturiana de Ciencies Sabencia, Berto Ordiales, apurre un Averamientu y catalogación de los texos de Asturies.