• Portada
  • >
  • Opinión
  • >
  • Caldo de mazana, crepes de carnaval y bollos de chorizo: ¿Asturfobia istitucional o cosmopaletismu conxénitu?

Caldo de mazana, crepes de carnaval y bollos de chorizo: ¿Asturfobia istitucional o cosmopaletismu conxénitu?

  • 2 Xunu, 2020

Chigreros y sidreros declárense desconcertaos ante la nueva variedá sidrera “nun tenemos nidio si hai que ferver mazanes o poner les verdures a cocer en sidre”

Covadonga Díaz, conceyala de Festexos y Mocedá del Conceyu d’Uviéu, anunciaba esti domingu la intención del so executivu de  cellebrar “la prueba del caldo de manzana en Gascona”. Les reaciones nun se ficieron esperar y les redes fierven pente la incredulidá

“¿Acaba de llamar a la sidre caldo de manzana?”,

“lo siguiente será llamar plato de alubias a una fabada. Nun salgo del mio asombru, pínchenme y nun sangro”

y la indignación :

“llamar caldo de mazana a la sidre tendría de ser delitu”,

“Esta señora llama a la sidre “caldo de manzana”. Nun son más fatos porque entos nun nacen”,

“Vaya cómo vos avergüenza lo d’equí, @ aytoviedo cosmopaletos de mis güevos”.

Sicasí lo que nun tienen pérdida son los tweets que lo tomen a coña

“Chiquillo, ponme un traserillo de caldo de manzana y dos bollitos embarazados, que estoy agotado de sacar la caca de la vaca del establo”

“¿Depués de catar les botelles comu a vaques agora quieren que ponga a ferver les mazanes? ¿Qué va ser lo prósimo? ¿fiestas de campiña? ¿habas con lunares?”

“¿Caldo de mazana? eso tien que ser bono pal catarro, calentino y con fideos”,

“Sidra ye una palabra demasiada asturiana pa nosotros. – Pero si tamién esiste en cast … – Queremos poner otra palabra. – PERO SI NO EXISTE TRADUC… – Caldo de manzana”…

Lo pior ye’l pelligru de que fine por vese normal. Comu los “culinEs”, el “zumo” de mazana pa la sidre dolce, les  “cates” pa tastiar la sidre,”posos” pa falar de la madre la sidre, “bodegas” en cuenta los llagares o las “plantaciones” pa les pumaraes. La españolización progresiva del mundiu la sidre recueye a la perfeición l’odiu faza lo asturiano por parte de los mesmos que dicen selo, dexando escenarios pente lo risible y lo llamentable. Cosmopaletismu fasta na sopa; o nesti casu, fasta en caldu.

Llucía F. Marqués


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies