Nun país nel qu’hai un suicidiu cada 53 hores y nel qu’esta ye la segunda mayor causa de mortandá na mocedá, ta nidia la emportancia de l’atención a la salú mental, un serviciu qu’actualmente ye insuficiente ya ineficiente na sanidá asturiana
TRANSACTIVA ye un proyeutu d’investigación de la Universidá d’Uviéu nel que s’ufierten terapies sicolóxiques grupales de baldre pa la ansiedá y o la depresión a cambiu de participar nel estudiu de los beneficios de la terapia sicolóxica grupal pa estos trestornos emocionales.
L’estudiu TRANSACTIVA entamóse nel cursu 2018-2019, llideráu por Concepción Fernández Rodríguez, catedrática de la Universidá d’Uviéu y coordinadora del grupu d’investigación n’Intervención en Sicoloxía Clínica y de la Salú (INTEREPSA), col envís d’ufrir a les istituciones implicaes na promoción de la salú, protocolos de tratamientu eficaces ya eficientes pal abordaxe de los trastornos emocionales. La investigación ta diseñada pa analizar, de forma fiable, qué carauterístiques de los tratamientos emplegaos. La posibilidá d’identificar cuál ye’l meyor tratamientu pa cada casu particular, y cuál ye la relación costes-beneficios del tratamientu, es especialmente importante pa facilitar la futura implementación de tratamientos sicolóxicos nos servicios asistenciales públicos.
Pa ello, en TRANSACTIVA, especialistes en Sicología Clínica de la Unidá de Sicoloxía Clínica y de la Salú ufren, de baldre, tratamientu sicolóxicu grupal a tola comunidad asturiana d’ente 18 y 65 años que presenten dificultaes emocionales (tristeza, ansiedá, miedos), siempre y cuando cumplan los criterios de participación y nun reciban otru tratamiento sicolóxicu.
Los tratamientos llévense a cabu acordies a un protocolu d’investigación controláu. El procedimientu ye’l que vien darréu: tres d’una primer evaluación sicolóxica individual úfrese a los que cumplen colos criterios afitaos de maltar emocional la posibilidá de recibir una terapia sicolóxica.
Nesi intre apúrreseyos información completa de los oxetivos, procedimientos y requisitos del estudiu y solicítaseyos el so compromisu de participación. La información recoyío utilízase de forma anónima, confidencial ya esclusivamente con fines investigadores. Les terapies faense en grupos de 6-7 persones, durante 8 sesiones (una selmanal). Al finar, fadránse sesiones individuales de seguimientu trimestrales.
A lo llargu’l cursu pasáu hebio 242 solicitudes, de las que 108 entamaron la participación nel estudiu tres de completar la evaluación y roblar el consentimientu informáu. En xeneral les persones atendies informen d’un menor nivel de maltar emocional al finar el tratamientu. Cola apertura del nuevu cursu académicu, reábrese’l plazu pa solicitar la participación nel estudiu al traviés del mail del equipu de la Unidá de Sicoloxía Clínica de la Salú de la Universidá d’Uvieu o del teléfonu 682 247 998 (de llunes a vienres de 9:00 a 14:00 o whatsapp).
Redaición InfoAsturies
This work is licensed under a Creative Commons Attribution 4.0 International License.
