L’añu pasáu rexistrárense 13 femes con cria, sumando pente toes elles un total de 22 esbardos, reparties pente los conceyos de Miranda, Gráu, Proaza, Somiéu y Teverga. Los datos del 2019 son meyores: 15 femes con 35 esbardos, lo qu’implica un prestosu incrementu de la población osera na fastera. Sicasí, l’asociación alcuentra estos datos insuficientes, ya que seique la evolución ye favoratible, los riesgos continuen y los resultaos nun espeyen la descomanada cantidá de perres apurries pola Xunión Europea pa la preservación del osu pardu.

Somiéu foi, nos dos años caberos, el conceyu de mayor concentración osera,  con 7 femes ya 18 esbardos esti añu, siguíu de Proaza, que pesi a cuntar namás con dos oses, al tener estes 2 y 3 cries respeutivamente suma 7 osos, un más que Miranda. El restu de los conceyos estudiaos tienen caún una sola osa con dos esbardos.

Les males noticies vienen de la muerte de 8 animales, 7 esbardos y una osa adulta. Nel casu de los esbardos les causes de la muerte abulten naturales -ataques de machos- pero la muerte d’una fema adulta en Proaza esmolez al FAPAS, abultándoyos pocu común la muerte d’una osa adulta por causes naturales.

Llucía F. Marqués