• Portada
  • >
  • Mocedá y reciella
  • >
  • Los menores de 30 años tendríen que dedicar más del 56% del so sueldu a vivienda pa independizase

Los menores de 30 años tendríen que dedicar más del 56% del so sueldu a vivienda pa independizase

  • 22 Agosto, 2019

L’estudiu, con datos de la Encuesta de Población Activa y de la Encuesta Continua de Llares apurre cifres sobro emancipación y la dificultá pa ella: más del 80% de la mocedá -pente 16 y 29 años- vive en casa cola familia, incluso los afortunaos que pertenecen a esi privilexáu 60% que tienen un emplegu

Les estimaciones económiques apunten a que’l porcentaxe afayaizu d’ingresos dedicaos a vivienda -gastos incluyios- que permite independizase ta nel 30%. Si comparamos el sueldu netu de los trabayaores d’ente 16 y 29 años colos precios medios de la vivienda n’alquiler alcontrámonos con que un mozu/a nesi marxen d’edá tendría de dedicar más del 56% de los sos ingresos a tener un llugar en que vivir -ensin incluyir otros gastos venceyaos a la vivienda, comu comunidá o lluz-. Subiendo’l rangu d’edá a aquellos que tienen pente 30 y 34 años, el porcentaxe de salariu dedicáu a alquiler ronda’l 50%.

A ello hai que sumar los 50.000 menores de 29 años que nun tienen trabayu y l’alta tasa de temporalidá de los contratos, que dificulta más entá la decisión de colar de casa. Con estos datos enriba la mesa les cifres de despoblación y la baxa tasa de natalidá abulten una consecuencia direuta de la imposibilidá de vivir por si mesmos pa la población asturiana na meyor edá pa crear families.

Llucía F. Marqués

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies